Autoritete greke kanë njoftuar se kanë zbuluar një laborator në rrethinat e Athinës, ku prodhoheshin barnat me emrin Captagon, që njiheshin gjërësisht si “droga e Xhihadistëve”
Një shtetas shqiptarë me banim në greqi, është identifikuar si kreu i rrjetit ndërkombëtar që do të furnizonte me një sasi të madhe barnash narkotike luftëtarët e Shtetit Islamik.
Përdorimi i saj i stimulon luftëtarët e ISIS-it para operacioneve luftarake.
Autoritetet greke sekuestruan 650.000 pilula Captagon, vlera e të cilave përllogaritet në rreth 10 milion euro.
Gjithashtu behet me dije se arrestohen dy shtetas shqiptarë, nje tuk dhe nje grek , ndërkohë shpallen në kërkim dhe tre te tjerë, përkatësisht, një shqiptar, një turk dhe një grek, i cili është një ish-oficer policie në pension.
Sipas mediave greke që citon burime nga organi i akuzës, shqiptari i shpallur në kërkim njihet me emrin Andrea, dhe prezantohej si biznesmen në fushën e ushqimeve.
Por sipas mediave kjo ishte thjesht një mburojë për trafikun e barnave që 47-vjeçari po përgatitej të realizonte.
Ai madje kishte porositur në një kantier në Athinë ndërtimin e një skafi të fuqishëm, të tipit Top Gun, me gjatësi 12.5 m.
Gjithashtu bëhët me dije se me këtë skaf do të kalonte ngarkesën e barnave narkotike nga Turqia për llogari të Shtetit Islamik.
Policia greke thotë se në bashkëpunim edhe me shërbime inteligjente të vendeve të tjerë, po punon për kapjen e kreut të grupit, që dyshohet se aktualisht ndodhet në Turqi dhe personave të tjerë që janë shpallur në kërkim
